ಕನ್ನಡಿಗರ ಕಣ್ಮಣಿ, ಯುವರತ್ನ, ಕರ್ನಾಟಕ ರತ್ನ ಪುನೀತ್ ರಾಜ್ಕುಮಾರ್ (Puneeth Rajkumar) ನಮ್ಮನ್ನಗಲಿ ಇದೇ ತಿಂಗಳ 29ಕ್ಕೆ ನಾಲ್ಕು ವರ್ಷಗಳಾಗುತ್ತಿದೆ. ಕೋಟ್ಯಂತರ ಅಭಿಮಾನಿಗಳ ಹೃದಯದಲ್ಲಿ ಅವರು ಇಂದಿಗೂ ಜೀವಂತ.
ಅಪ್ಪು ನೆನಪುಗಳನ್ನು ಸದಾ ಹಸಿರಾಗಿಡಲು ಹಾಗೂ ಅವರ ಆದರ್ಶಗಳನ್ನು ಎಲ್ಲರಿಗೂ ತಲುಪಿಸಲು ಅವರ ಪತ್ನಿ ಅಶ್ವಿನಿ ಪುನೀತ್ ರಾಜ್ಕುಮಾರ್ ಅವರು ಮಹತ್ವದ ಹೆಜ್ಜೆಯನ್ನಿಟ್ಟಿದ್ದಾರೆ. ಪುನೀತ್ ರಾಜ್ಕುಮಾರ್ ಅವರ ಸ್ಮರಣಾರ್ಥವಾಗಿ ‘PRKStarFandom’ (ಪಿಆರ್ಕೆ ಸ್ಟಾರ್ ಫ್ಯಾನ್ ಡಮ್) ಹೆಸರಿನ ವಿಶೇಷ ಮೊಬೈಲ್ ಅಪ್ಲಿಕೇಶನ್ ಅನ್ನು ಸಿದ್ಧಪಡಿಸಲಾಗಿದೆ.
ಈ ಅಪ್ಲಿಕೇಶನ್ ಅಕ್ಟೋಬರ್ 25ರಂದು ಅಧಿಕೃತವಾಗಿ ಬಿಡುಗಡೆಯಾಗಲಿದೆ.
PRKStarFandom ಆ್ಯಪ್ನ ಉದ್ದೇಶ:
- ಪುನೀತ್ ರಾಜ್ಕುಮಾರ್ ಅವರ ಜನ್ಮ, ಬಾಲ್ಯಜೀವನ ಮತ್ತು ಕಲೆಯನ್ನು ಒಳಗೊಂಡಂತೆ ಅವರ ಇಡೀ ಜೀವನ ಪಯಣವನ್ನು ತಿಳಿಸುವುದು.
- ಅವರಲ್ಲಿದ್ದ ಅಪ್ರತಿಮ ಪ್ರತಿಭೆ, ಸಮಾಜಸೇವೆ ಮತ್ತು ಮಾನವೀಯ ಮೌಲ್ಯಗಳನ್ನು ಪ್ರತಿಯೊಬ್ಬರಿಗೂ ತಲುಪಿಸಿ ಸ್ಫೂರ್ತಿ ತುಂಬುವುದು.
ಈ ಆ್ಯಪ್ನ ಬಿಡುಗಡೆಗೂ ಮುನ್ನ, ಪುನೀತ್ ರಾಜ್ಕುಮಾರ್ ಅವರ ಜೀವನವನ್ನು ಕಟ್ಟಿಕೊಡುವ ಒಂದು ವಿಡಿಯೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಬಿಡುಗಡೆ ಮಾಡಲಾಗಿದ್ದು, ಅಭಿಮಾನಿಗಳಲ್ಲಿ ಕುತೂಹಲ ಮೂಡಿಸಿದೆ. ಅಕ್ಟೋಬರ್ 25ರಿಂದ ಅಪ್ಪು ಅವರ ಸದ್ವಿಚಾರಗಳು ಮತ್ತು ಸಾಧನೆಗಳನ್ನು ಎಲ್ಲರೂ ಸುಲಭವಾಗಿ ಪಡೆಯಬಹುದು.
