ಭಾರತ ‘ಎ’ (India A) ಮತ್ತು ದಕ್ಷಿಣ ಆಫ್ರಿಕಾ ‘ಎ’ (South Africa A) ತಂಡಗಳ ನಡುವಿನ ನಾಲ್ಕು ದಿನಗಳ ಟೆಸ್ಟ್ ಸರಣಿಯು ಅಕ್ಟೋಬರ್ 30 ರಿಂದ ಪ್ರಾರಂಭವಾಗಲಿದೆ. ಈ ಸರಣಿಗಾಗಿ ಭಾರತ ‘ಎ’ ತಂಡವನ್ನು ಪ್ರಕಟಿಸಲಾಗಿದ್ದು, ವಿಕೆಟ್ ಕೀಪರ್ ಬ್ಯಾಟ್ಸ್ಮನ್ ರಿಷಭ್ ಪಂತ್ ಅವರನ್ನು ತಂಡದ ನಾಯಕರನ್ನಾಗಿ ಆಯ್ಕೆ ಮಾಡಲಾಗಿದೆ.
ಪಂತ್ಗೆ ನಾಯಕತ್ವದ ಜೊತೆ ಕಮ್ಬ್ಯಾಕ್ ಅವಕಾಶ:
- ಇಂಗ್ಲೆಂಡ್ ವಿರುದ್ಧದ ಸರಣಿಯ ವೇಳೆ ಗಾಯಗೊಂಡಿದ್ದ ರಿಷಭ್ ಪಂತ್ ಅವರು ನಂತರ ಏಷ್ಯಾಕಪ್ ಮತ್ತು ಆಸ್ಟ್ರೇಲಿಯಾ ವಿರುದ್ಧದ ಸರಣಿಗಳಿಂದ ಹೊರಗುಳಿದಿದ್ದರು.
- ಇದೀಗ ಪಂತ್ ಸಂಪೂರ್ಣ ಫಿಟ್ನೆಸ್ ಸಾಧಿಸಿದ್ದು, ಈ ಸರಣಿಯ ಮೂಲಕ ಮತ್ತೆ ಕ್ರಿಕೆಟ್ ಮೈದಾನಕ್ಕೆ ಮರಳಲು ಸಜ್ಜಾಗಿದ್ದಾರೆ. ಅಕ್ಟೋಬರ್ 30 ರಿಂದ ಶುರುವಾಗಲಿರುವ ದಕ್ಷಿಣ ಆಫ್ರಿಕಾ ‘ಎ’ ವಿರುದ್ಧದ ಪಂದ್ಯದಲ್ಲಿ ಅವರು ನಾಯಕನಾಗಿ ತಂಡವನ್ನು ಮುನ್ನಡೆಸಲಿದ್ದಾರೆ.
- ಬೆಂಗಳೂರಿನ ಸಿಒಇ ಮೈದಾನದಲ್ಲಿ ಈ ಪಂದ್ಯಗಳು ನಡೆಯಲಿವೆ.
ಭಾರತ ‘ಎ’ ತಂಡದಲ್ಲಿ ಟೀಂ ಇಂಡಿಯಾ ಆಟಗಾರರು:
ದಕ್ಷಿಣ ಆಫ್ರಿಕಾ ‘ಎ’ ವಿರುದ್ಧದ ಸರಣಿಗಾಗಿ ಘೋಷಿಸಲಾದ 15 ಸದಸ್ಯರ ಭಾರತ ‘ಎ’ ತಂಡದಲ್ಲಿ ರಿಷಭ್ ಪಂತ್ ಜೊತೆಗೆ ಸಾಯಿ ಸುದರ್ಶನ್, ರಜತ್ ಪಾಟಿದಾರ್, ದೇವದತ್ ಪಡಿಕ್ಕಲ್, ಆಕಾಶ್ ದೀಪ್, ಪ್ರಸಿದ್ಧ್ ಕೃಷ್ಣ, ಮತ್ತು ರುತುರಾಜ್ ಗಾಯಕ್ವಾಡ್ ಸೇರಿದಂತೆ ಟೀಮ್ ಇಂಡಿಯಾದ ಅನೇಕ ಪರಿಚಿತ ಆಟಗಾರರು ಸ್ಥಾನ ಪಡೆದಿದ್ದಾರೆ.
ಎರಡನೇ ಪಂದ್ಯಕ್ಕೆ ಕೆಎಲ್ ರಾಹುಲ್, ಸಿರಾಜ್ ಸೇರ್ಪಡೆ:
ಈ ಸರಣಿಯ ಎರಡನೇ ಪಂದ್ಯದ ವೇಳೆ, ಹಿರಿಯ ಆಟಗಾರರಾದ ಕೆಎಲ್ ರಾಹುಲ್, ಮೊಹಮ್ಮದ್ ಸಿರಾಜ್ ಮತ್ತು ಪ್ರಸಿದ್ಧ್ ಕೃಷ್ಣ ಅವರು ಭಾರತ ‘ಎ’ ತಂಡವನ್ನು ಸೇರಿಕೊಳ್ಳಲಿದ್ದಾರೆ.
ಸರಣಿಗಾಗಿ ಭಾರತ ‘ಎ’ ತಂಡಗಳು ಹೀಗಿವೆ:
| ಮೊದಲ ಪಂದ್ಯಕ್ಕೆ ಭಾರತ ‘ಎ’ ತಂಡ | ಎರಡನೇ ಪಂದ್ಯಕ್ಕೆ ಭಾರತ ‘ಎ’ ತಂಡ |
| ರಿಷಭ್ ಪಂತ್ (ನಾಯಕ) | ರಿಷಭ್ ಪಂತ್ (ನಾಯಕ) |
| ಸಾಯಿ ಸುದರ್ಶನ್ (ಉಪನಾಯಕ) | ಸಾಯಿ ಸುದರ್ಶನ್ (ಉಪನಾಯಕ) |
| ಎನ್ ಜಗದೀಸನ್ (ವಿಕೆಟ್ ಕೀಪರ್) | ಧ್ರುವ್ ಜುರೆಲ್ (ವಿಕೆಟ್ ಕೀಪರ್) |
| ಆಯುಷ್ ಮ್ಹಾತ್ರೆ | ಕೆಎಲ್ ರಾಹುಲ್ |
| ದೇವದತ್ ಪಡಿಕ್ಕಲ್ | ದೇವದತ್ ಪಡಿಕ್ಕಲ್ |
| ರಜತ್ ಪಾಟಿದಾರ್ | ರುತುರಾಜ್ ಗಾಯಕ್ವಾಡ್ |
| ಹರ್ಷ್ ದುಬೆ | ಹರ್ಷ್ ದುಬೆ |
| ತನುಷ್ ಕೋಟ್ಯಾನ್ | ತನುಷ್ ಕೋಟ್ಯಾನ್ |
| ಮಾನವ್ ಸುತಾರ್ | ಮಾನವ್ ಸುತಾರ್ |
| ಅನ್ಶುಲ್ ಕಂಬೋಜ್ | ಖಲೀಲ್ ಅಹ್ಮದ್ |
| ಯಶ್ ಠಾಕೂರ್ | ಗುರ್ನೂರ್ ಬ್ರಾರ್ |
| ಆಯುಷ್ ಬದೋನಿ | ಅಭಿಮನ್ಯು ಈಶ್ವರನ್ |
| ಸರಾಂಶ್ ಜೈನ್ | ಪ್ರಸಿದ್ಧ್ ಕೃಷ್ಣ |
| ಮೊಹಮ್ಮದ್ ಸಿರಾಜ್ | |
| ಆಕಾಶ್ ದೀಪ್ |
