(ವೈಭವ್ ಹೊರಗಿಟ್ಟ ಬಿಸಿಸಿಐ ) ಟೀಮ್ ಇಂಡಿಯಾದ ಉದಯೋನ್ಮುಖ ಬ್ಯಾಟಿಂಗ್ ಸಂವೇದನೆ ವೈಭವ್ ಸೂರ್ಯವಂಶಿ ವಿಷಯದಲ್ಲಿ ಕ್ರಿಕೆಟ್ ಮಂಡಳಿ (ಬಿಸಿಸಿಐ) ಇದೀಗ ಪ್ರಮುಖ ತೀರ್ಮಾನವೊಂದನ್ನು ಪ್ರಕಟಿಸಿದೆ. ದಿಗ್ಗಜರ ಪುತ್ರರಿಗೆ ಜೂನಿಯರ್ ಬಳಗದಲ್ಲಿ ಜಾಗ ಈಗಾಗಲೇ ದೇಶೀಯ ಅಂಗಳದಲ್ಲಿ ಬಿರುಗಾಳಿ ಎಬ್ಬಿಸಿರುವ ಈ 15 ವರ್ಷದ ತಾರಾ ಆಟಗಾರ, ಇತ್ತೀಚಿನ ಇಂಗ್ಲೆಂಡ್ ಪ್ರವಾಸದಲ್ಲೂ ಭಾರತೀಯ ಜೂನಿಯರ್ ಪಡೆಯ ಪರ ಭರ್ಜರಿ ಬ್ಯಾಟಿಂಗ್ ನಡೆಸಿ ಹೊಸ ಇತಿಹಾಸ ಬರೆದಿದ್ದರು. ಇದೀಗ ಆಸ್ಟ್ರೇಲಿಯಾ ವಿರುದ್ಧದ ಮುಂಬರುವ ಏಕದಿನ ಸರಣಿಗೆ ಬಿಸಿಸಿಐ 15 ಸದಸ್ಯರ ಯುವ ಭಾರತೀಯ ತಂಡವನ್ನು ಅಧಿಕೃತವಾಗಿ ಪ್ರಕಟಿಸಿದೆ. ಕುತೂಹಲಕಾರಿ ಸಂಗತಿಯೆಂದರೆ, ಈ ಪಟ್ಟಿಯಲ್ಲಿ ಮಾಜಿ ದಿಗ್ಗಜರಾದ ವೀರೇಂದ್ರ ಸೆಹ್ವಾಗ್ ಮತ್ತು ರಾಹುಲ್ ದ್ರಾವಿಡ್ ಅವರ ಪುತ್ರರಾದ ಆರ್ಯವೀರ್ ಹಾಗೂ ಅನ್ವೇ ಇಬ್ಬರಿಗೂ ಸ್ಥಾನ ಸಿಕ್ಕಿದೆ. ಆದರೆ, ವೈಭವ್ ಹೆಸರನ್ನು ಮಾತ್ರ ಪಟ್ಟಿಯಿಂದ ಕೈಬಿಡಲಾಗಿದೆ. ಯುವ ಆಟಗಾರನಿಗೆ ಕೈತಪ್ಪಿತು ಅವಕಾಶ! ಉದಯೋನ್ಮುಖ ಆಟಗಾರನಾಗಿ ಗಮನಸೆಳೆದಿರುವ ವೈಭವ್ ಸೂರ್ಯವಂಶಿಯವರನ್ನು ಈ ಪ್ರವಾಸಕ್ಕೆ ಆಯ್ಕೆ ಮಾಡದಿರಲು ಮಂಡಳಿ ಹಿಂಜರಿದಿದೆ. ಇದರ ಹಿಂದೆ ಒಂದು ನಿರ್ದಿಷ್ಟ ನಿಲುವಿದೆ. ಜೂನಿಯರ್ ಮಟ್ಟದಲ್ಲಿ ಅದ್ಭುತವಾಗಿ ಮಿಂಚುತ್ತಿರುವ ವೈಭವ್ ಅವರಿಗೆ ಅವಕಾಶ ಸಿಗದಿರುವುದು ಅಭಿಮಾನಿಗಳಲ್ಲಿ ಭಾರೀ ಚರ್ಚೆಗೆ ಗ್ರಾಸವಾಗಿದೆ. ಹಾಗಾದರೆ, ವೈಭವ್ ಅವರನ್ನು ಪರಿಗಣಿಸದಿರಲು ಮಂಡಳಿ ಮುನ್ನೆಲೆಗೆ ತಂದ ತಾಂತ್ರಿಕ ಸಂಗತಿಯೇನು? ಎಂಬ ಪ್ರಶ್ನೆಗೆ ಸ್ಪಷ್ಟನೆಯ ಇಲ್ಲಿದೆ.
ವಯಸ್ಸಿನ ಮಿತಿ ವ್ಯಾಪ್ತಿಯಲ್ಲಿದ್ದರೂ ಸಹ ಒಬ್ಬ ಆಟಗಾರ ಅಂಡರ್-19 ವಿಶ್ವಕಪ್ ಪಂದ್ಯಾವಳಿಯಲ್ಲಿ ಕೇವಲ ಒಮ್ಮೆ ಮಾತ್ರ ಭಾಗವಹಿಸಲು ಅವಕಾಶವಿದೆ ಎಂಬುದು ಬಿಸಿಸಿಐನ ಕಟ್ಟುನಿಟ್ಟಿನ ನಿಯಮ. ಈ ಪದ್ಧತಿಯನ್ನು 2016ರಲ್ಲಿ ಜಾರಿಗೆ ತರಲಾಯಿತು. ಸೂರ್ಯವಂಶಿ 2026ರ ಕಿರಿಯರ ವಿಶ್ವಕಪ್ನಲ್ಲಿ ಈಗಾಗಲೇ ಕಣಕ್ಕಿಳಿದು ದಾಖಲೆ ನಿರ್ಮಿಸಿರುವುದು ಎಲ್ಲರಿಗೂ ತಿಳಿದಿದೆ. ಆದ್ದರಿಂದ, ನಿಯಮಾವಳಿಯಂತೆ ಮತ್ತೊಂದು ಆವೃತ್ತಿಯ ಪಂದ್ಯಗಳಿಗೆ ಅವರಿಗೆ ದ್ವಿತೀಯ ಅವಕಾಶ ನೀಡುವುದು ಬೇಡ ಎಂದು ಬಿಸಿಸಿಐ ನಿರ್ಧರಿಸಿದೆ.( ವೈಭವ್ ಹೊರಗಿಟ್ಟ ಬಿಸಿಸಿಐ )
ಈ ನೀತಿ ಬಂದ ನಂತರ ವಾಷಿಂಗ್ಟನ್ ಸುಂದರ್ 2018ರ ಸರಣಿಯಲ್ಲಿ ಭಾಗವಹಿಸಲು ಸಾಧ್ಯವಾಗಿರಲಿಲ್ಲ. ಈ ಕಠಿಣ ರೂಲ್ಸ್ ಜಾರಿಗೆ ಮುನ್ನ ಸರ್ಫರಾಜ್ ಖಾನ್, ಸಂದೀಪ್ ಶರ್ಮಾ, ವಿಜಯ್ ಜೋಲ್ ಅವರಂತಹ ಯುವ ಪ್ರತಿಭೆಗಳು ಎರಡು ಬಾರಿ ವಿಶ್ವಕಪ್ ಆಡಿದ್ದರು. ಇನ್ನೊಂದೆಡೆ, ವೈಭವ್ ಸೂರ್ಯವಂಶಿ ಸೆಪ್ಟೆಂಬರ್ 13ರಿಂದ ಆರಂಭವಾಗಲಿರುವ ಅಫ್ಘಾನಿಸ್ತಾನ ವಿರುದ್ಧದ ಮೂರು ಪಂದ್ಯಗಳ ಚುಟುಕು ಸರಣಿಗೆ ಸಜ್ಜಾಗುತ್ತಿದ್ದು, ಕಠಿಣ ಅಭ್ಯಾಸದಲ್ಲಿ ನಿರತರಾಗಿದ್ದಾರೆ.
ಭಾರತೀಯ ಅಂಡರ್-19 ಏಕದಿನ ತಂಡ ಲಕ್ಷ್ಯ ರೈ ಚಂದಾನಿ (ನಾಯಕ), ಯಶವರ್ಧನ್ ಚೌಹಾಣ್ (ಉಪನಾಯಕ), ರಜತ್ ಬಘೇಲ್, ಆರ್ಯವೀರ್ ಸೆಹ್ವಾಗ್, ವಿ.ಕೆ. ವಿನೀತ್, ಕುಶಾಗ್ರ ಓಝಾ, ಅರ್ಜುನ್ ರಜಪೂತ್, ಮನಾಲ್ ಚೌಹಾಣ್, ಅನ್ವಯ್ ದ್ರಾವಿಡ್ (ವಿಕೆಟ್ ಕೀಪರ್), ವಿ. ಯಶ್ವೀರ್, ರೋಹಿತ್ ಯಾದವ್, ಶವಿನ್ ವಿನೋದ್, ಮೋಹಿತ್ ಉಲ್ವಾ, ಚಿಗುರುಪಟಿ ವೆಂಕಟ್ ಮತ್ತು ಕಾವ್ಯ ಪಟೇಲ್.
