ಕಠ್ಮಂಡು: (ನೆರವಿಗೆ ಧಾವಿಸಿದ ಭಾರತದ ವಿಶೇಷ ಪಡೆ) ನೇಪಾಳದಲ್ಲಿ ಸಂಭವಿಸಿದ ಭೀಕರ ಹಠಾತ್ ಪ್ರವಾಹ ಹಾಗೂ ಭೂಕುಸಿತದಿಂದಾಗಿ ಪರಿಸ್ಥಿತಿ ಅತ್ಯಂತ ಗಂಭೀರವಾಗಿದ್ದು, ಸಾವನ್ನಪ್ಪಿದವರ ಸಂಖ್ಯೆ 734ಕ್ಕೆ ಏರಿಕೆಯಾಗಿದೆ.
ಇಂದು ರಕ್ಷಣಾ ಕಾರ್ಯಾಚರಣೆಯು 5ನೇ ದಿನಕ್ಕೆ ಕಾಲಿಟ್ಟಿದ್ದು, ಇನ್ನು 2,498ಕ್ಕೂ ಹೆಚ್ಚು ಮಂದಿ ಪತ್ತೆಯಾಗಿಲ್ಲ ಎಂದು ನೇಪಾಳದ ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪ್ರಾಧಿಕಾರ (NDRRMA) ಮಾಹಿತಿ ನೀಡಿದೆ.
ಅಧಿಕಾರಿಗಳು ಭಾನುವಾರ ಬಿಡುಗಡೆ ಮಾಡಿದ ಮಾಹಿತಿಯ ಪ್ರಕಾರ, ನೇಪಾಳ ಮತ್ತು ಟಿಬೆಟ್ನಲ್ಲಿ ಪ್ರವಾಹ ಹಾಗೂ ಮಣ್ಣಿನ ಕುಸಿತದಿಂದ ಮೃತಪಟ್ಟವರ ಒಟ್ಟು ಸಂಖ್ಯೆ 750 ತಲುಪಿದ್ದು, ಉಭಯ ಪ್ರದೇಶಗಳಲ್ಲಿ ಒಟ್ಟು 3,044 ಮಂದಿ ನಾಪತ್ತೆಯಾಗಿದ್ದಾರೆ. ನೇಪಾಳದಲ್ಲಿ 2,498 ಮಂದಿ ಕಾಣೆಯಾಗಿದ್ದು, ಇವರಲ್ಲಿ ವಿದೇಶಿ ಪ್ರಜೆಗಳೂ ಸೇರಿದ್ದಾರೆ. ಟಿಬೆಟ್ನಲ್ಲಿ 16 ಮಂದಿ ಜೀವ ಕಳೆದುಕೊಂಡಿದ್ದು, 546 ಮಂದಿ ನಾಪತ್ತೆಯಾಗಿದ್ದಾರೆ ಎಂದು ತಿಳಿದುಬಂದಿದೆ.
ಬುಧವಾರ ಚೀನಾ-ನೇಪಾಳ ಗಡಿ ಭಾಗದಲ್ಲಿ ಹಿಮನದಿ ಕುಸಿತದಿಂದ ಏಕಾಏಕಿ ಭಾರಿ ಪ್ರಮಾಣದ ನೀರು ಮತ್ತು ಕೆಸರು ಹರಿದುಬಂದ ಪರಿಣಾಮ ಹಿಮಾಲಯದ ಕಣಿವೆ ಪ್ರದೇಶದಲ್ಲಿದ್ದ ಹಳ್ಳಿಗಳು ಕೊಚ್ಚಿಹೋಗಿದ್ದು, ಪ್ರಮುಖ ಮೂಲಸೌಕರ್ಯಗಳು ಹಾನಿಗೊಳಗಾಗಿವೆ. ನೇಪಾಳದಲ್ಲಿ ಈವರೆಗೆ 3,700ಕ್ಕೂ ಹೆಚ್ಚು ಜನರನ್ನು ರಕ್ಷಿಸಲಾಗಿದೆ.
ನೆರವಿಗೆ ಧಾವಿಸಿದ ಭಾರತದ ವಿಶೇಷ ಪಡೆ!
ನೇಪಾಳದ ರಸುವಾ ಜಿಲ್ಲೆಯಲ್ಲಿ ಜಲವಿದ್ಯುತ್ ಯೋಜನೆಗಳ ಸುರಂಗಗಳಲ್ಲಿ ಸಿಲುಕಿದ್ದಾರೆ ಎನ್ನಲಾದ ಕಾರ್ಮಿಕರನ್ನು ಬಚಾವ್ ಮಾಡಲು ಕಾರ್ಯಾಚರಣೆ ಮುಂದುವರಿದಿದೆ.
ತ್ರಿಶೂಲಿ 3ಎ ಜಲವಿದ್ಯುತ್ ಯೋಜನೆ ಸ್ಥಳದಲ್ಲಿ ನೇಪಾಳ ಸೇನೆ ಸುರಂಗದ ಒಳಗೆ ಪೈಪ್ ಜೋಡಿಸಿ, ಸಣ್ಣ ರಂಧ್ರದ ಮೂಲಕ ಆಮ್ಲಜನಕ ಪೂರೈಸಲು ಆರಂಭಿಸಿದೆ. ತ್ರಿಶೂಲಿ 3ಎ ಮತ್ತು 3ಬಿ ಯೋಜನೆಗಳಲ್ಲಿ 100ಕ್ಕೂ ಹೆಚ್ಚು ಸಿಬ್ಬಂದಿ ಸಿಲುಕಿರುವ ಸಾಧ್ಯತೆಯಿದೆ. ಆದರೆ, ಮಳೆ ಹಾಗೂ ನದಿಗಳ ನೀರಿನ ಮಟ್ಟ ಏರಿಕೆಯಿಂದ ರಕ್ಷಣಾ ಕಾರ್ಯಕ್ಕೆ ಅಡಚಣೆಯಾಗಿದೆ.
ಅಪ್ಪರ್ ತ್ರಿಶೂಲಿ-1 ಜಲವಿದ್ಯುತ್ ಯೋಜನೆ ಹಾಗೂ ಚೀನಾ ಭಾಗದಲ್ಲಿರುವ ಭಾರಿ ಹಾನಿಗೊಳಗಾದ ಗ್ಯಿರಾಂಗ್ ಗಡಿ ಮಾರ್ಗದಲ್ಲೂ ರಕ್ಷಣಾ ಕಾರ್ಯಾಚರಣೆ ಸಾಗಿದೆ.
ಜಲವಿದ್ಯುತ್ ನಿರ್ಮಾಣ ಜಾಗದಲ್ಲಿನ ಸುರಂಗಗಳು ದಪ್ಪನೆಯ ಕೆಸರಿನಿಂದ ತುಂಬಿರುವುದರಿಂದ ರಕ್ಷಣಾ ಕಾರ್ಯ ಮುಂದುವರಿಸಲಾಗುವುದು ಎಂದು ನೇಪಾಳ ಸೇನೆಯ ವಕ್ತಾರ ಬ್ರಿಗೇಡಿಯರ್ ಜನರಲ್ ರಾಜಾ ರಾಮ್ ಬಸ್ನೆಟ್ ತಿಳಿಸಿದ್ದಾರೆ.
ನಾಪತ್ತೆಯಾಗಿರುವ ಕುಟುಂಬದ ಸದಸ್ಯರಿಗಾಗಿ ಸಂಬಂಧಿಕರು ತೀವ್ರ ಹುಡುಕಾಟ ನಡೆಸುತ್ತಿದ್ದಾರೆ. ಬಿದೂರ್ನ ಸೇನಾ ತಾಣದಲ್ಲಿ ರಕ್ಷಿಸಲ್ಪಟ್ಟವರ ಪಟ್ಟಿಗಳನ್ನು ಪರಿಶೀಲಿಸಲು ಕುಟುಂಬಸ್ಥರು ಜಮಾಯಿಸಿದ್ದರು. ಕಠ್ಮಂಡುವಿನ ಆಸ್ಪತ್ರೆಗಳ ಹೊರಭಾಗದಲ್ಲೂ ನಾಪತ್ತೆಯಾದವರ ಬಗ್ಗೆ ಮಾಹಿತಿ ಪಡೆಯಲು ಜನರು ಗಾಯಾಳುಗಳು ಹಾಗೂ ರಕ್ಷಿಸಲ್ಪಟ್ಟವರ ವಿವರಗಳನ್ನು ಪರಿಶೀಲಿಸುತ್ತಿದ್ದಾರೆ.
ಅತ್ಯಂತ ಹೆಚ್ಚು ಹಾನಿಗೊಳಗಾದ ಜಿಲ್ಲೆಗಳಲ್ಲಿ ಒಂದಾದ ನುವಾಕೋಟ್ಗೆ ಹೆಲಿಕಾಪ್ಟರ್ಗಳ ಮೂಲಕ ಬಟ್ಟೆ, ನೂಡಲ್ಸ್, ಬಿಸ್ಕತ್ ಹಾಗೂ ಅಕ್ಕಿ ಸೇರಿದಂತೆ ಪರಿಹಾರ ದ್ರವ್ಯಗಳನ್ನು ರವಾನಿಸಲಾಗುತ್ತಿದ್ದು, ವಾಪಸ್ ಬರುವಾಗ ಬದುಕುಳಿದವರನ್ನು ಸ್ಥಳಾಂತರಿಸಲಾಗುತ್ತಿದೆ. ಹಲವರು ಧರಿಸಿದ್ದ ಉಡುಪು ಹೊರತುಪಡಿಸಿ ಬೇರೇನನ್ನೂ ತರಲು ಸಾಧ್ಯವಾಗಿಲ್ಲ. ಪ್ರವಾಹಪೀಡಿತ ವಲಯಗಳಿಂದ ಸೈನಿಕರು ಮಕ್ಕಳು ಮತ್ತು ವೃದ್ಧರನ್ನು ಸುರಕ್ಷಿತ ತಾಣಗಳಿಗೆ ಕರೆದೊಯ್ಯುತ್ತಿದ್ದಾರೆ.ನೆರವಿಗೆ ಧಾವಿಸಿದ ಭಾರತದ ವಿಶೇಷ ಪಡೆ
ಈ ದುರಂತದಿಂದ ನೇಪಾಳದ ಜಲವಿದ್ಯುತ್ ವಲಯ ಹಾಗೂ ಪ್ರಮುಖ ಧಾರ್ಮಿಕ ಮತ್ತು ಚಾರಣ ಮಾರ್ಗಗಳಿಗೂ ಭಾರಿ ಹೊಡೆತ ಬಿದ್ದಿದೆ. ನೇಪಾಳದ ವಿಪತ್ತು ನಿರ್ವಹಣಾ ಪ್ರಾಧಿಕಾರದ ಪ್ರಕಾರ, 933 ಜಲವಿದ್ಯುತ್ ಕಾರ್ಮಿಕರು ನಾಪತ್ತೆಯಾಗಿದ್ದಾರೆ. ಕೈಲಾಸ ಪರ್ವತದತ್ತ ತೆರಳುತ್ತಿದ್ದ ಚಾರಣಿಗರು ಮತ್ತು ಹಿಂದೂ ಯಾತ್ರಿಕರು ಸೇರಿದಂತೆ ನೂರಾರು ವಿದೇಶಿಯರ ಕುರಿತೂ ಮಾಹಿತಿ ಲಭ್ಯವಾಗಿಲ್ಲ.
ದುರ್ಗಮ ಪರ್ವತಗಳು ಮತ್ತು ಕಿರಿದಾದ ಕಣಿವೆಗಳಿಂದಾಗಿ ರಕ್ಷಣಾ ಕಾರ್ಯಾಚರಣೆ ಕಠಿಣ ಸವಾಲಿನಿಂದ ಕೂಡಿದೆ. ಸುರಂಗ ರಕ್ಷಣೆ, ಬದುಕುಳಿದವರ ಪತ್ತೆ ತಂತ್ರಜ್ಞಾನ, ವಿಧಿವಿಜ್ಞಾನ ಮತ್ತು ಡಿಎನ್ಎ ವಿಶ್ಲೇಷಣೆ ಹಾಗೂ ಪತ್ತೆಯಾದ ಮೃತದೇಹಗಳ ಸಂರಕ್ಷಣೆಗೆ ಅಗತ್ಯವಿರುವ ವಿಶೇಷ ನೆರವನ್ನು ನೇಪಾಳ ಮನವಿ ಮಾಡಿದೆ. ಭಾರತದ 11 ಸದಸ್ಯರ ಸುರಂಗ ರಕ್ಷಣಾ ಪರಿಶೀಲನಾ ತಂಡ ಈಗಾಗಲೇ ನೇಪಾಳದಲ್ಲಿ ಕಾರ್ಯನಿರ್ವಹಿಸುತ್ತಿದೆ.
ಹಿಮಾಲಯದಲ್ಲಿ ಹೊಸದಾಗಿ ನಿರ್ಮಾಣಗೊಂಡಿದ್ದ ಸರೋವರವೊಂದರ ಮೇಲೆಯೂ ಅಧಿಕಾರಿಗಳು ಕಣ್ಣಿಟ್ಟಿದ್ದಾರೆ. ಮತ್ತೊಂದು ಪ್ರವಾಹ ಉಂಟಾಗಬಹುದೆಂಬ ಆತಂಕದ ನಡುವೆಯೇ, ಸರೋವರದ ಗಾತ್ರ ಗಣನೀಯವಾಗಿ ಇಳಿಕೆಯಾಗಿದ್ದು, ನೈಸರ್ಗಿಕವಾಗಿ ನೀರು ಹೊರಹರಿದ ಬಳಿಕ ಬಹುತೇಕ ಖಾಲಿಯಾಗಿದೆ ಎಂದು ಚೀನಾ ಅಧಿಕಾರಿಗಳು ತಿಳಿಸಿದ್ದಾರೆ. ಇದರಿಂದ ತಕ್ಷಣ ಮತ್ತೊಂದು ಭಾರಿ ನೀರಿನ ಪ್ರವಾಹದ ಆತಂಕ ತಗ್ಗಿದೆ.
ಭಾರತದಿಂದ ನೇಪಾಳಕ್ಕೆ ಈವರೆಗೆ 57 ಮೆಟ್ರಿಕ್ ಟನ್ಗೂ ಹೆಚ್ಚು ಪರಿಹಾರ ಸರಕುಗಳು ತಲುಪಿವೆ. ಚೀನಾ, ಜಪಾನ್, ಆಸ್ಟ್ರೇಲಿಯಾ ಸೇರಿದಂತೆ ಹಲವು ದೇಶಗಳೂ ನೆರವು ನೀಡುತ್ತಿವೆ. ಅಮೆರಿಕ ಮತ್ತು ಕೆನಡಾ ತಲಾ 3.6 ಮಿಲಿಯನ್ ಡಾಲರ್ ಮಾನವೀಯ ನೆರವು ಪ್ರಕಟಿಸಿದ್ದು, ಬ್ರಿಟನ್ 6.8 ಮಿಲಿಯನ್ ಡಾಲರ್ ನೆರವು ನೀಡುವುದಾಗಿ ಹೇಳಿದೆ. ವಿಶ್ವಸಂಸ್ಥೆ ತುರ್ತು ನೆರವಿಗಾಗಿ 2.5 ಮಿಲಿಯನ್ ಡಾಲರ್ ಬಿಡುಗಡೆ ಮಾಡಿದೆ.( ನೆರವಿಗೆ ಧಾವಿಸಿದ ಭಾರತದ ವಿಶೇಷ ಪಡೆ!)
ಐದನೇ ದಿನಕ್ಕೆ ಕಾಲಿಟ್ಟಿರುವ ಶೋಧ ಮತ್ತು ರಕ್ಷಣಾ ಕಾರ್ಯಾಚರಣೆಯಲ್ಲಿ ನಾಪತ್ತೆಯಾಗಿರುವವರನ್ನು ಪತ್ತೆಹಚ್ಚುವುದು ಹಾಗೂ ಮೃತಪಟ್ಟವರ ಗುರುತು ದೃಢಪಡಿಸುವುದು ಅಧಿಕಾರಿಗಳ ಪ್ರಮುಖ ಆದ್ಯತೆಯಾಗಿದೆ. ದುರಂತದ ಪ್ರಮಾಣವನ್ನು ಗಮನಿಸಿದರೆ ಪುನರ್ನಿರ್ಮಾಣದ ವೆಚ್ಚ ಹಲವು ಶತಕೋಟಿ ಡಾಲರ್ಗಳಿಗೆ ತಲುಪಬಹುದು ಎಂದು ನೇಪಾಳದ ವಿದೇಶಾಂಗ ಸಚಿವ ಶಿಶಿರ್ ಖನಾಲ್ ಎಚ್ಚರಿಸಿದ್ದಾರೆ.
ನೇಪಾಳ ಜಲಪ್ರಳಯ: ಕಠ್ಮಂಡು ತಲುಪಿದ ಭಾರತದ ಪರಿಹಾರ ಸಾಮಗ್ರಿ ಹೊತ್ತ 4ನೇ ವಿಮಾನ, ರಕ್ಷಣಾ ಉಪಕರಣ–ವಿಧಿವಿಜ್ಞಾನ ತಜ್ಞರ ತಂಡ ರವಾನೆ! (ನೆರವಿಗೆ ಧಾವಿಸಿದ ಭಾರತದ ವಿಶೇಷ ಪಡೆ!)
ಭೀಕರ ಪ್ರವಾಹದಲ್ಲಿ ಸಿಲುಕಿ ಮೃತಪಟ್ಟು, ಗುರುತು ಸಿಗದಂತಾಗಿರುವ ದೇಹಗಳನ್ನು ಭಾರತದ ವಿಧಿವಿಜ್ಞಾನ ತಜ್ಞರ ಪಡೆ ಗುರುತಿಸಲಿದೆ. ಇವರು ಕ್ಷಿಪ್ರ ಡಿಎನ್ಎ ಪರೀಕ್ಷೆಗಳ ಮೂಲಕ ಮೃತರ ಗುರುತು ಪತ್ತೆ ಮಾಡಲಿದ್ದಾರೆ.
ಕಠ್ಮಂಡು: ಭೀಕರ ಪ್ರವಾಹ ಮತ್ತು ಸರಣಿ ಭೂಕುಸಿತದಿಂದ ತತ್ತರಿಸಿರುವ ನೆರೆರಾಷ್ಟ್ರ ನೇಪಾಳದ ನೆರವಿಗೆ ಭಾರತ ಧಾವಿಸಿದೆ.
ಭಾರತೀಯ ವಾಯುಪಡೆಯ 4ನೇ ವಿಶೇಷ ಪರಿಹಾರ ವಿಮಾನವು 11 ಟನ್ ಅತ್ಯಾಧುನಿಕ ರಕ್ಷಣಾ ಉಪಕರಣಗಳೊಂದಿಗೆ ಕಠ್ಮಂಡುವಿನ ತ್ರಿಭುವನ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ತಲುಪಿದೆ.
ನೇಪಾಳ ಸರ್ಕಾರದ ವಿಶೇಷ ಕೋರಿಕೆಯ ಮೇರೆಗೆ ಭಾರತ ಈ ಬಾರಿ ಅತ್ಯಂತ ತಾಂತ್ರಿಕ ನೈಪುಣ್ಯ ಹೊಂದಿರುವ ವಿಶೇಷ ಪಡೆಗಳನ್ನು ರವಾನಿಸಿದೆ.
ಉತ್ತರಾಖಂಡದ ಸಿಲ್ಕ್ಯಾರಾ ಸುರಂಗ ರಕ್ಷಣಾ ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡಿದ್ದ ಭಾರತದ ಅತ್ಯಂತ ಅನುಭವಿ ಸುರಂಗ ಮತ್ತು ಮಣ್ಣು ಕುಸಿತ ರಕ್ಷಣಾ ತಜ್ಞರು ಈಗ ನೇಪಾಳಕ್ಕೆ ಭೇಟಿ ನೀಡಿದ್ದಾರೆ. ಮಣ್ಣಿನ ಅವಶೇಷಗಳ ಅಡಿಯಲ್ಲಿ ಸಿಲುಕಿರುವವರನ್ನು ಹುಡುಕಲು ಇವರು ನವೀನ ಉಪಕರಣಗಳನ್ನು ಬಳಸಲಿದ್ದಾರೆ.
ಭೀಕರ ಪ್ರವಾಹದಲ್ಲಿ ಸಿಲುಕಿ ಮೃತಪಟ್ಟು, ಗುರುತು ಸಿಗದಂತಾಗಿರುವ ಮೃತದೇಹಗಳನ್ನು ಭಾರತದ ವಿಧಿವಿಜ್ಞಾನ ತಜ್ಞರ ತಂಡ ಗುರುತಿಸಲಿದೆ. ಇವರು ಕ್ಷಿಪ್ರ ಡಿಎನ್ಎ ಪರೀಕ್ಷೆಗಳ ಮೂಲಕ ಮೃತರ ಗುರುತು ಪತ್ತೆ ಮಾಡಲಿದ್ದಾರೆ.
ನೇಪಾಳದಲ್ಲಿರುವ ಭಾರತದ ರಾಯಭಾರಿ ನವೀನ್ ಶ್ರೀವಾಸ್ತವ ಅವರು ಈ ಬಗ್ಗೆ ಮಾಹಿತಿ ನೀಡಿದ್ದು, ಪರಿಹಾರ ವಸ್ತುಗಳಲ್ಲಿ ಕಂಬಳಿಗಳು, ಸ್ಲೀಪಿಂಗ್ ಬ್ಯಾಗ್ಗಳು, ಪ್ಲಾಸ್ಟಿಕ್ ಶೀಟ್ಗಳು ಹಾಗೂ ನೈರ್ಮಲ್ಯ ಕಿಟ್ಗಳು ಸೇರಿದಂತೆ ತುರ್ತು ಸಾಮಗ್ರಿಗಳಿವೆ ಎಂದು ತಿಳಿಸಿದ್ದಾರೆ.
ಆಗಸ್ಟ್ 26ರಂದು ನೇಪಾಳದಲ್ಲಿ ಸಂಭವಿಸಿದ ಭೀಕರ ಭೋಟೆ ಕೋಶಿ ನದಿ ಪ್ರವಾಹದ ಬಳಿಕ ರಕ್ಷಣಾ ಹಾಗೂ ಪರಿಹಾರ ಕಾರ್ಯಾಚರಣೆಗಳು ಮತ್ತಷ್ಟು ತೀವ್ರಗೊಂಡಿವೆ. ಭಾರತವೂ ಭೂ ಹಾಗೂ ವಾಯು ಮಾರ್ಗಗಳ ಮುಖೇನ ನೆರವು ಹೆಚ್ಚಿಸಿದೆ.(ನೆರವಿಗೆ ಧಾವಿಸಿದ ಭಾರತದ ವಿಶೇಷ ಪಡೆ!)
ವಿದೇಶಾಂಗ ಸಚಿವಾಲಯದ ಅಧಿಕೃತ ಅಂಕಿಅಂಶಗಳ ಪ್ರಕಾರ, ಪ್ರವಾಹ ಪೀಡಿತ ಪ್ರದೇಶಗಳಿಂದ ಈವರೆಗೆ 88 ಭಾರತೀಯರನ್ನು ರಕ್ಷಿಸಲಾಗಿದೆ. ಇದೇ ವೇಳೆ, 120 ಭಾರತೀಯರು ಚೀನಾದಿಂದ ನೇಪಾಳ ಪ್ರವೇಶಿಸಿದ್ದಾರೆ ಎಂದು ಸ್ಪಷ್ಟಪಡಿಸಲಾಗಿದೆ.
Published By : KPN News
“ಭಾರತೀಯ ವಾಯುಪಡೆ”https://www.mea.gov.in
